:حوار دار بيني و بينها , و بعد الأستأذان منها قررت نشره
اهي أكتبت..
كلك بعيد
بصوتك بزولك بعيد
أطوِع الذكرى غصب تجيني وإتمنَع
ناطر على أطراف النهار
متعلق بنسمة خبر يدفَها فايض حنينك
أرسلك أطياف و أطياف لأجل أوصل لعينك
و لي جاني منك الخبر
تسأل وش الجديد
ما من جديد يا ربيع أيامي و المطر
إلا إنك بعيد.... كلك بعيد
===
أنا كتبت.....
يا نور أيامي
و دفى أشواقي
أنتي كلك جديد
أنتي يومي و أمسي
و كل شقت نور فجرٍ جديد
يا أحلام الطفولة و طموح الرجولة
ياجنوني المفروض ب وله
أحبج
مو بيدي
أحبج و أتخيلج بالزوايا و أطراف النهار
أشوفج لا من غاب حتى القمر...بدرٍ ينور عتمة أيامي
يا حضن الدفى بحياة كلها شتاء
عمري و هدية ربي و أجمل عطاياه
لاتستغربين لا كنت بالبعد أقوى
لأنج ساكنة فيني
و قلبي ينبض على رسمج
و بدمي يجري أسمج
أحبج
وبس
===
أهي أكتبت....
إنت بالبعد أقوي و أنا أضعف ما خلق ربي بغيابك
بالله عليك استحلفك علمني ؟
علمني اشلون ما يفز قلبي لي من طروا اسمك؟
اشلون ما اتنقصلك كل شي اشوفه و احسه و أدري إنه على هواك و رسمك؟
إشلون أنام بلا همسك؟
علمني ما اتغنا فيك عند أقرب أصحابي
علمني ما تظل معلقة عيني على بابي
بزعم إنك بتطل علي منه و يهل زولك
أضَحك صح؟
هذا شي من ولا شي والا الباجي يهولك
تدري اشلون
لا تعلمني
خل الوله يشيل فيني و يحط
و أتوه أدور مركبي وين يحط
و على يوم موجه يرميني على شط وصلك
حضنك إلي ياخذني من نفسي و الدنيا
و أسولف عليك و أقصلك
شسوى فيني غيابك
==
أهي أكتبت...
مثل طفل في ليلة عيد
ناطر أحلا هداياه
عيت عيوني تنام
أحازي في شوفتك و أعيد و أزيد
ياتري ويهك هذا هو والا تغير؟
أنت ولهان والا أنا ولهانة أكثر؟
شنو أول كلمة تقولها شفاك؟
أنا أحلي بعينك إلحين والا ذكراك؟
و ظليت أهوجس لين شق النور
حزتها بس ارتحت و غفيت شوي تدري ليش؟
لأن صار باجر و جه العيد