ما عاد أحد يهم
بالمرة ....أنتي بس الأهم
نسمة الفرحة لاهب زولج .....أهي أنتي
أتلحف بدفى تحت أجفونج
مثل المجنون لا مسة غيابج...أهوجس
أنتفض من البعد ألم
يقطعني ...يعصرني
و بزاوية يدشرني فضاء غيابج
تخطر على بالي بوستج
طعم الحلى على أطراف شفاج...
مثل الميت لادبت فيه الروح... أنتفض
بوجه الموت المفروض من غيابج
أنتفض صارخ بوجه العنا بس
ماسك البعد من تلابيبه
مقرب و جهه من وجهي
صارخ بصوت يوصل لسابع سما
بس
دخيل كل من تحب
بس
ماظل بي من الروح باقي
ما عاد الهوا وحده كافي
بتنفس عطرها...
و الهوا لا هب من بين شعرها
أبي أشوف ثورة الدنيا لا من حطت راسها فوق صدري
أبي نور حضورها....يقشع غيابها
أبي أبل ريقي بريقها و أروي ضماي
....يا غياب ...أنا عطشان
ياغيااااااااااااااب
أترك سحابها يمطر فوق أرضي
خل النوير يزهر و يلون روحي
