Wednesday, March 3, 2010

منازع غيابك

ما عاد أحد يهم

بالمرة ....أنتي بس الأهم

نسمة الفرحة لاهب زولج .....أهي أنتي

أتلحف بدفى تحت أجفونج


مثل المجنون لا مسة غيابج...أهوجس

أنتفض من البعد ألم

يقطعني ...يعصرني

و بزاوية يدشرني فضاء غيابج

تخطر على بالي بوستج

طعم الحلى على أطراف شفاج...

مثل الميت لادبت فيه الروح... أنتفض

بوجه الموت المفروض من غيابج

أنتفض صارخ بوجه العنا بس

ماسك البعد من تلابيبه

مقرب و جهه من وجهي

صارخ بصوت يوصل لسابع سما

بس

دخيل كل من تحب

بس

ماظل بي من الروح باقي

ما عاد الهوا وحده كافي

بتنفس عطرها...

و الهوا لا هب من بين شعرها

أبي أشوف ثورة الدنيا لا من حطت راسها فوق صدري

أبي نور حضورها....يقشع غيابها

أبي أبل ريقي بريقها و أروي ضماي

....يا غياب ...أنا عطشان

ياغيااااااااااااااب برتوي

أترك سحابها يمطر فوق أرضي

خل النوير يزهر و يلون روحي



5 comments:

LIVE said...

سبحان الله لكل شيء بالدنيا جانبان.. جانب مشرق و جانب مظلم .. الكل حسب نظرته !
للغياب فوائد عديدة منها " نسيان اخطاء و غلطات و زلات الحبيب مثلا و منها ايضاً زيادة الشوق و النين ومنها اللهفة للرجوع الى الاحضان... عموما اعتبر هذا البعد مؤقت مو دائم بس على فكرة ترى اذا الله سهل اموركم احتمال انكم ما تشوفون بعض الا ساعات معدودة و ذلك بسبب المسؤوليات و الالتزامات.
دعواتي لكم بالتوفيق و تييبون ولد و تسمونه على اسمي :)

LIVE said...

كل عام و أنت بألف خير يا حلو :)
عشان لا تقول ناسيك ..

Deema said...

الله بالخير، قلت أمر أسلّم

يا غيااااااااااب

:-)

Hawk said...

thank you for this blog



http://24mix.blogspot.com/

forex team said...

wonderful blog and good work

bookmark us at


download forex books for free